MAADHIMISHO YA 16 MV BUKOBA MWANAMITINDO FLAVIANA MATATA ATOA MSAADA WA MABOYA 500 KWA KAMPUNI YA USAFIRI MAJINI MWANZA

Tarehe 21/may/2012 Tanzania imeadhimisha miaka 16 tangu meli ya MV BUKOBA kuzama ndani ya ziwa Victoria na kusababisha taifa kupoteza raslimali watu wake ambapo zaidi ya watu ELFUMOJA wanatajwa kufa maji kwenye ajali hiyo wakazi mbalimbali wa kanda ya ziwa jana walijumuika pamoja katika makaburi maalum ya marehemu hao yaliyoko eneo la Igoma jijini Mwanza kwaajili ya Ibada.

Katika maadhimisho hayo mwanamitindo Flaviana Matata amekabidhi msaada wa maboya (life vests) 500 kwa Kampuni ya usafirishaji abiria na mizigo mkoani Mwanza ya Marine ili kuimarisha kitengo cha usalama majini ikiwa ni katika kuwaenzi watu zaidi ya ELFUMOJA waliokufa maji akiwemo marehemu mama yake mzazi.

Baada ya makabidhiano, wakati wa hotuba, Flaviana Matata alishindwa kuendelea na hotuba yake baada ya kuzidiwa na majonzi ya kumkumbuka mama yake mzazi aliyempoteza katika ajali ya MV Bukoba miaka 16 iliyopita ...

Wakati taifa likiingia katika maadhimisho hayo ya 16 nazo ajali mbalimbali majini zikiendelea kutukia huku nyingi zikihusishwa na uzembe na ukaguzi hafifu, Imekuwa ni suala la kawaida kwa mabasi na vyombo mbalimbali vya abiria vinavyobebwa na vivuko vinavyotoka na kuingia jijini Mwanza kukiuka sheria na kuruhusu abiria kupanda kwenye magari hayo yakiwa ndani ya vivuko vikiwa safarini hali ambayo ni hatari pindi ajali ya kuzama inapotokea nao wakaguzi wa vyombo hivyo wakilifumbia macho suala hilo.